Ir al contenido principal

Solidari@s con Haití



Estimados pais e nais:
O próximo venres 29 de xaneiro celebraremos o Día da Paz. Sempre realizamos actos simbólicos para que os nenos entendan a importancia de conceptos como a solidariedade, a xustiza ou a cooperación entre as xentes e os pobos. Pero a traxedia de Haití fíxonos considerar as actividades deste ano. Pensamos en celebrar un acto solidario coa
s vítimas do terremoto. Para isto, enviamos un sobre no que, de xeito
voluntario, meterán a doazón que consideren oportuna.
Sería interesante que cada neno ou nena fose consciente da doazón que fai poñendo unha parte da súa paga, destinando os cartos que lle custaría unhas chuches, etc. O noso obxectivo é que esa pequena aportación sexa a súa aportación para axudas a outras persoas nun momento tan grave coma este.
  • Este sobre entregarase, sen ningún tipo de nome, aos titores entre o luns 25 e o xoves 28.
  • O colexio garantizará en todo momento o anonimato das doazóns.
Toda a recadación doarase a “Médicos sin Fronteras”, unha das ONGs que están traballando na quel país, nun acto simbólico no noso centro, no que se fará entrega da mesma a un representante desta organización.

Agradecemos a vosa colaboración.



CELSO EMILIO FERREIRO
IRMÁNS("Longa noite de pedra", 1962)
Camiñan ó meu rente moitos homes.
Non os coñezo. Sonme estraños.
Pero ti, que te alcontras alá lonxe,
máis alá dos desertos e dos lagos,
máis alá das sabanas e das illas,
coma un irmau che falo.
Se é tua a miña noite,
se choran os meus ollos o teu pranto,
se os nosos berros son iguais,
coma un irmáu che falo.
Anque as nosas palabras sexan distintas,
e tí negro e eu branco,
se temos semellantes as feridas,
coma un irmáu che falo.
Por enriba de tódalas fronteiras,
por enriba de muros e valados,
se os nosos soños son iguais,
coma un irmáu che falo.
Común témos a patria,
común a loita, ambos,
a miña man che dou,
coma un irmáu che falo.

Comentarios

Publicar un comentario

Entradas populares de este blog

Novidades da biblioteca inclusiva

Podedes consultar as novidades da Reibonteca nesta publicación. Se queredes, tamén podedes descargala.

Open publication - Free publishing

Audioconto. Un vampiro con problemas I

Hai familias que teñen ideas marabillosas e esta é unha delas. Este audioconto que Lucía e os seus pais fixeron na casa, paréceme tan bonito que sería unha pena que non o compartisemos neste blog da nosa biblioteca.
Aquí vos queda a primeira parte:




Proxecto arte

Desde a biblioteca queremos propoñervos que descubrades artistas. Cada semana imos propoñervos un para que descubrades a súa obra.
Que vos parece se comezamos pola fotografía?
Joan Fontcuberta, un fotógrafo que explora os límites entre a verdade e amentira.