CEIP Reibón (Moaña)

23/12/11


Felices Festas


As vacacións de Nadal serán dende o día 22 de decembro ata o 8 de xaneiro.
As clases reanudanse o día 9 de xaneiro de 2012
¡ Feliz ano !

10/12/11

Receitas de outono

Na entrada do colexio temos expostas as receitas de outono recollidas poloa nenos e nenas do colexio

9/12/11

Novidades na Reibonteca



O amor, as partes do corpo, construír un castelo de area na praia... Son algúns dos temas destes libros con textos sinxelos graduados en tres niveis e aos que acompaña un CD para escoitar a historia e algunha canción, habituando o oído e mellorando a pronunciación.









O peixe vermello. Taaeun Yoo
É posible que un peixe desapareza dentro dun libro?
É posible que un neno se mergulle dentro dun libro para salvar un peixe?



BANDA DESEÑADA



O señor Top. Fernado Krahn.
O señor Top esperta todas as mañás dando grazas polo novo día e saudando á natureza e ao mundo que o arrodea. Pero esa ollada idílica desde o alto do seu rañaceos rómpese cada vez que abre as follas do xornal e comprobar que na rúa as cousas son totalmente diferentes, así que o señor Top decide pasar á acción.




Historias do Mestre Raposo 2. Bruno Heitz.

O señor Top esperta todas as mañás dando grazas polo novo día e saudando á natureza e ao mundo que o arrodea. Pero esa ollada idílica desde o alto do seu rañaceos rómpese cada vez que abre as follas do xornal e comprobar que na rúa as cousas son totalmente diferentes, así que o señor Top decide pasar á acción.
 


 
Me aburro. Marc Rosenthal
O protagonista desta historia abúrrese, non se decata de que arredor súa están ocurrindo un feixe de cousas.





Memorias de una vaca. Bernardo Atxaga
A historia dunha vaca que ten moita vida interior. Porque non quere ser unha vaca parva. Como a protagonista adoita dicir, non hai cousa máis parva que unha vaca parva.









O carteiro de Bagdad. Marcos Calveiro.
Ibrahim reparte o correo na súa motocicleta. Leva no peto unha misteriosa carta que está decidido a entregar custe o que custe.





Memorias dun neno labrego. Xosé Neira Vilas
O libro máis lido e máis traducido da literatura galega. Recolle o suposto caderno no que Balbino, un rapaz de aldea que vive na década de 1940, escribe: "Vexo o mundo darredor de min e adoezo por entendelo [...]Ninguén me di para que serven as estrelas nin onde morrren os paxaros".





Ben quiere a Anna. Peter Hartling
Ben enamórase perdidamente de Anna, unha nena polaca que acaba de chegar á escola. Anna é pobre, seu pai está no paro, pero Ben comproba que con Anna poden compartirse moitas cousas.





Los versos del libro tonto. Beatriz Giménez de Ory
Acrósticos, palabras e letras bailarinas que se apropian do papel, poemas traviesos que nonon teñen un pelo de tontos.. ao contrario do que di o título.







Artur. Oli
Un pito sae do ovo e que atopa? Como é o mundo? De súpeto, todo se volve negro e...

18/11/11

Interesante reflexión para bibliotecarios e mestres

O blog Ana Garralón ofrécenos ás veces interesantes reflexións para os bibliotecarios e os mestres. A algúns poden resultarlles obviedades, pero é necesario pensar a acción. Neste enlace pódense ler dez ideas ou dez estratexias sobre a lectura.

16/11/11

Corremos e corremos agochados nunha cabaza

Este ano descubrimos no colexio unha boa contadora e Rufina pediunos que nos aproveitásemos un pouco dela. Conseguimos convencela e a profe Silvia, coa axuda de Raquel, Iciar e Alba contounos un conto e atrapounos coa súa voz, cos oubeos do lobo, as voces gordas do oso e os ladridos do cadelo.
 Algúns nenos estaban moi asustados e non se atrevían a entrar por medo ao que conta o libro, pero pasámolo moi ben.
 Para rematar cantamos unha canción agardando ao próximo mércores 26 de novembro, cando Iciar Corrales nos conte a historia do "Pequeno Azul e Pequeno Amarelo"






Outro ano de contos

Os mércores van ser o día do conto na Reibonteca. Rufina convidou aos profesores, alumnos e pais a contar un conto na hora do recreo.
O primeiro conto nolo vai contar a profesora Silvia Iglesias.
- Cal vai ser o seu conto?
- Tendo en conta que estamos en novembro, aínda que o samaín xa pasou, vainos contar Corre, corre cabaciña.

28/10/11

Días sen clase

Como xa se informou na nota inicial co calendario escolar, o día 31 de outubro está declarado pola Consellería de Educación Día do Ensino, polo que non haberá clase. Este día vense engadir ao festivo do día 1 de novembro.
Así que o mércores, día 2 de novembro, será cando se reanuden as clases.

27/10/11

Tempo de Magosto

RECEITA DO MARRÓN GLACÉ

Estamos na época das castañas e és o momento idóneo para realizar algún que outro postre con elas. O marrón glacé é un rico postre que dará á tua mesa un toque de distinción.

Os ingredientes

½ kilo de castañas, 400 gramos de azucre, 1 vaina de vainilla o 2 culleres de azucre vainillado.

A preparación

Fai un pequeno corte nas castañas e ponas nunha ola con auga quente escaldándoas uns 10 minutos. Pela as castañas quitándolles tamén a pel fina que as recubre con moito coidado para que non se rompan. Cóceas nun litro de auga hasta que estean tenras.

Mentres tanto, prepara un almíbar con ¾ litro de auga, o azucre e a vainilla nunha ola e coce este preparado durante 15 minutos a medio fogo. Engade as castañas e baixa o fogo, déixao cocer 15 minutos mais. Saca a ola do fogo e deixa repousar as castañas durante un día enteiro.

Forra a bandexa do forno con papel especial e dispón as castañas sobre él. Forneaas durante 20 minutos a unha temperatura de 125 grados hasta que vexas que están ben secas e seguidamente déixaas enfriar. Disponas en capsulitas de papel e xa as podes servir

9/9/11

Comezo de curso


O curso escolar 2011-12 comezará para o alumnado o luns 12 de setembro co horario coñecido de 9.15 a 14.15.

Os servizos complementarios de comedor e transporte escolar funcionarán con normalidade desde ese mesmo día.

26/7/11

Vacacións

O colexio permanecerá pechado dende o día
 18 de xullo hasta o 19 de agosto.

Os vales para a gratuidade de libros pendentes de recoller poderán recollerse a partir do 22 de agosto.

¡ Felices Vacacións!

28/6/11

LAURA COMESAÑA E O CICLO DA AUGA EN 3º




O xoves día 9 tivemos unha actividade sobre o ciclo da auga con Laura na biblioteca. Laura Comesaña é ilustradora e cantante nun grupo musical vigués. Presentounos a varios amigos que nos fixeron boas recomendacións para que non malgastemos a auga.

Tivemos varias sorpresas, pois un dos nosos novos amigos mandounos por medio de Laura un mirto pequeniño para que o plantemos e o coidemos no colexio, e outra amiguiña mandounos por Rufina (que polo visto andivo por ahí de farra...) un retrato adicado para que non a esquezamos.

Ao final Laura propúxonos para rematar este curso, outra actividade que estivemos a facer estes días. Este é o resultado.

20/6/11

FESTA DE ANIVERSARIO DOS LIBROS

 
O martes, día 21 celebraremos na biblioteca a Festa de aniversario dos libros, porque os libros tamén cumpren anos, coma todo o mundo. No ano 2011 celebramos o cumpreanos de Babar, de Balbino, dunha vaca con memorias, dun coello rosa, de Ben e de filo o filósofo, entre outros.
Por iso, queremos celebrar unha festa para celebrar na que rufina nos vai invitar a unha torta moi especial.
 Xa sabedes, o  martes durante o recreo na biblioteca.

17/6/11

Libro de fotos de Moaña

Recomendamos especialmente o libro

"Moaña. Historia fotográfica"


Primeiro tomo dunha colección de extraordinarias fotos de Moaña .

O seu visionado axuda a entender a nosa historia e a descubrir rencuchos de Moaña hoxe completamente cambiados.

16/6/11

A insoportable levedade das bibliotecas escolares galegas

Ante a previsible retirada de formadores específicos no ámbito das bibliotecas escolares no  Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:
Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente  de persoas que senten que é posible compartir e facer viable o proxecto xuntos. Así naceu o movemento que cristalizou na  iniciativa que todos coñecemos como PLAMBE. De xeito que dende hai algúns anos,  esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes  en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son  seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.
Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos  incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada  centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino  xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro  será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

28/5/11

Encontro co ilustrador Pepe Carreiro

Pepe Carreiro, o ilustrador de Dona Carme, dos Bolechas e dos Barbanzóns estivo en Reibón para falar cos alumnos de terceiro sobre o traballo dos ilustradores.

Explicounos como o máis importante para todo ilustrador é observar con atención todo canto o rodea, os animais, as plantas, as persoas...

Despois, contounos como se esquematiza. Como se debuxa un gato a partir de dous círculos, un para a cabeza e outro para o corpo.

Foi un encontro cheo de maxia no que Pepe Carreiro debuxou a moitos dos seus personaxes.

26/5/11

Contacontos de Kalandraka


Sabedes que pasa cando un crocodilo se enamora dunha xirafa? E se a xirafa non se decata de que o crocodilo reborda amor por todas partes? Como chamar a súa atención?
Esta e outras fermosas historias da editorial Kalandraka contáronnos Sandra, Néveda e o seu acordeón. Mesmo cantamos a canción do crocodilo enamorado. Pero antes de marcharse, aínda nos contaron a historia de Pequena Lúa, do oso, de Bubú e do moucho que cantaba todas as noites.
Rufina escoitaba moi, moi atenta todos os contos, e aproveitando que é unha xirafa botaba un ollo desde aló arriba para ver ben as ilustracións dos libros. Mentres tanto, que facía Anxo?







Obradoiro de banda deseñada

O alumnado de sexto tivo a oportunidade de participar o pasado venres 20 de maio nun obradoiro práctico de banda deseñada impartido polo pintor, ilustrador e debuxante Ramón Trigo.

O resultado será publicado por Rufina no catálogo de libros de edición propia da Reibonteca.

16/5/11

O venres estivo connosco o debuxante Kiko Dasilva. 
Veu falarnos dunha das cousas que máis lle gustan, os cómics. Xa hai tres anos que ven desenrolando na nosa escola unha charla na que nos explica como naceu esta forma de expresión e a súa evolución, a relación cos feitos históricos, sociais e económicos. Este ano foron os alumnos de quinto e sexto os afortunados.

Transmitímoslle a Rufina as grazas que rapaces como Pablo Malvido nos transmitiron por ter traído a este ilustrados e caricaturista, que publica as súas viñetas en xornais como La voz de Galicia, e revistas como El Jueves ou Retranca.
Esperamos que o ano que vén estea de volta en Reibón.




11/5/11

Que nos ten preparado Rufina para este maio?

13 de maio - Obradoiro de Banda Deseñanda con Kiko Dasilva para o alumnado de 5º e 6º.

19 de maio - "A que sabe a lúa", representación do alumnado da aula Xoán XXIII para 1º e 2º.

20 de maio - Obradoiro de banda deseñada co autor Ramón Trigo.

23 de maio - Contacontos patrocinado pola editorial Kalandraka para Infantil de 3 e 4 anos.

24 de maio - Encontro-obradoiro de ilustración con Pepe Carreiro para 3º.


27 de maio - Encontro con Luís Davila "O bichero" para o alumnado de 4º





E en XUÑO Festa de ANIVERSARIO dos libros.

O máis visto

Arquivo do blog

CEIP Reibón (Moaña)

Home PageNav Display

Ads

Related Posts Display

Item Post Navigation Display

Technology

Featured Posts

statistics

Blogs interesantes

Subscribe

Blog da Reibonteca

Navigation-Menus (Do Not Edit Here!)

Ad Home

Search

Tab-menu

Random Posts

Author Info (Documentation Required)

Recent Posts

Header Ads

Etiquetas

Seguidores

Redes sociais

Bibliotecas escolares de Galicia

Bibliotecas escolares de Galicia
Blog

Advertising

Advertising

Slider (Add Label Name Here!) (Documentation Required)

Blogger templates

Contact us

Nombre

Correo electrónico *

Mensaje *

Blogger templates

Facebook

BTemplates.com

Pages - Menu

Pages - Menu

Popular Posts

Popular

Copyright © REIBONTECA | Powered by Blogger

Design by ThemePacific | Blogger Theme by NewBloggerThemes.com