REIBONTECA

Federico Martín achegounos ao poeta Rafael Alberti

Sesión de contacontos de

Hoxe, 24 de Outubro, día das bibliotecas tivo lugar a actuación do grupo teatral Migallas. A obra representada foi : Sinopse: "Un avó especial" é un espectáculo destinado a público familiar no que se aborda o tema da enfermidade do Alzheimer co obxectivo de axudarlles ós rapaces a comprender situacións que moitos deles poden vivir no seu contorno familiar. Malia a seriedade do tema que trata ten un enfoque humorístico que persegue fomentar actitudes optimistas para afrontar os problemas da enfermidade e amosar a importancia que teñen os/as nenos/as para que os maiores vivan momentos felices. Á parte da enfermidade, tamén se trata o tema da relación entre os/as nenos/as e os/as vellos/as en xeral así como diferentes modos de educar os rapaces por parte dos membros da familia. Así mesmo, os avós preséntanse como transmisores da sabedoría tradicional e peculiar de cada pobo fronte á uniformidade cultural imposta pola publicidade e a sociedade de consumo. A

Co seu ouro vello, mol, o ourizo ouriceiro toma o sol no pico dun castiñeiro. Tal un señor moi mandón: o ourizón, no pico dun castiñeiro tomando o sol moi riseiro. O ourizo está moi ledo coa sua casa ben pechada -¡ouh, qué medo!- de espiñas toda cercada. Quer botar unha risada i os seus dentes arregaña case un nada: ¡e xa fuxio a castaña...! "os soños na gaiola" Manuel María

Está caendo a folla i en min nace primaveira Quen entenderá este mar vello? Como digo onte sendo hoxe? Como farto a miña verba do nacer que xa pasou! Como reino nas migallas onde medrei un bon día! Como piso forte sendo branda? Como digo si si o non está escoitando? Quen entenderá este mar vello? Medro, medro e non sei onde parar. Presa xa e ceguiña no cume lévame, lévame ó chan a verba. Queda hoxe o chan soio muxindo a pegada do tempo. Mesturadas terras peneiran, peneiran fariña, fariña que non fai masa. Rebélanse as ondas ós mares, os ríos afogan a pradeira seca, os camiños non se atopan. Quen entenderá este mar vello? É outono i en min nace primaveira. Quen o entenderá? MARIA MARIÑO (1907 - 1967)