REIBONTECA

No marco do Mes da Ciencia, os noso alumnado mergullouse no fascinante mundo da ciencia realizando experimentos que lles permitiron explorar conceptos fundamentais de física de maneira práctica e divertida. O alumnado puido observar e comprender mellor fenómenos como a electricidade e a gravidade.   Un dos experimentos consistiu en conectar cables a diferentes fontes de enerxía para acender luces. A través deste experimento, os estudantes aprenderon os principios básicos da electricidade, como a importancia dos circuitos e a relación entre condutores e illantes. Viron como a corrente eléctrica circula a través dos cables e activan os dispositivos, o que lles permitiu entender mellor a forma na que se distribúe a enerxía no noso día a día. Este tipo de experimentos fan que o alumnado disfrute da ciencia, promove a súa curiosidade, a resolución de problemas e o traballo en equipo. Ao final de cada actividade, o alumnado comparte as súas observacións e conclusións, o que fomenta a ref...

  Este curso, no Colexio de Reibón, o proxecto educativo baseado nos Obxectivos de Desenvolvemento Sostible (ODS) arrincou cunha actividade lúdica e educativa que puxo ao alumnado a investigar, pensar e moverse por todo o colexio. A biblioteca, como centro de recursos e aprendizaxe, foi o punto de partida dun xogo de preguntas que guiou aos nenos e nenas a descubrir os 17 ODS a través de pistas agochadas en diferentes recunchos do centro. Un dos grandes éxitos desta actividade foi o fomento do traballo colaborativo. O alumnado tiña que resolver as preguntas xuntos, escoitarse e debater sobre as mellores solucións. Isto reforzou valores como o compañeirismo, o respecto polas opinións dos demais e a capacidade de tomar decisións en equipo, todos eles fundamentais para a construción dunha sociedade máis xusta e igualitaria, que é precisamente o que buscan os ODS. Unha vez rematado o percorrido por todas as pistas, os equipos regresaron para a última tarefa: unir todo o aprendid...