REIBONTECA

Como chegan os titiriteiros, seguindo o rumbo dos seus pés, chegou Rodorín á nosa Escola. Debía ser que traía calcetíns de la salvaxe porque en lugar de ir a Pontevedra, que era onde tiña unha cita co Salón do Libro Infantil, os pasos torcidos trouxérono a Reibón. Como algúns coñeciamos o seu magnífico traballo de titiriteiro-contador-recitador-animador (Ufff, case me quedo sen respiración!) en gran cantidade de Escolas de Verán, Salóns e Feiras do Libro e Festivais tanto en España como noutros países, non lle permitimos que marchase e encerrámolo na biblioteca para que nos contase algunhas das marabillosas historias que tan ben coñece. Historias de lugares onde todo era de papel, de campaíñas convertidas en ratiñas presumidas e cascabeis que eran galos cantareiros; de granxeiros que poñían en orde todos os animais da súa granxa, etc. 5º, 6º de infantil e 1º de primaria tivemos a sorte de disfrutar coa presenza deste extraordinario animador, unha sorte. Participa e cóntanos cal

Os blogues das bibliotecas escolares galegas, unha vez máis, unímonos na loita do dereito primordial de todo ser humano: a convivencia pacífica. Porque sabemos que a base de toda coexistencia é o entendemento, o diálogo, o feito de saber abrir os nosos ollos e os nosos oídos para escoitar e entender, desexamos elevar as nosas voces como unha soa, un só berro unido por unha soa palabra, a palabra máis fermosa que debe reinar as nosas existencias: PAZ. E para reclamala, para pedir aos gobernos que senten a dialogar, para pedir a todo home e muller que habite sobre a face da terra que sexa quen de trocar puños e fusís por verbas e entendemento, por conmiseración e diálogo, por amizade e respecto, é polo que estamos aquí. Dende hoxe até o día 30, lembrarémosvos que podemos vivir en paz, que só hai que crer nela, confiar nela, traballar por ela. O noso labor primordial é e será sempre ensinar respecto, democracia e educación. O noso labor é axudar unha mellor sociedade do futuro

Preto do Día da Paz nesta páxina encontrarás contos moi interesantes sobre tema. Contos solidarios Coñeces os teus dereitos e as túas obrigas como neno ou nena? Entra e xoga no mundo de Milu. O mundo de Milu