REIBONTECA

Retomamos a actividade de contar. Para inaugurar os Recreos dee conto, este ano imos facelo con Abby, a auxiliar de conversa do colexio, que escolleu unha historia relacionada coa celebración de San Patricio, que levaron os emigrantes irlandeses aos Estados Unidos. Xa sabedes, o próximo mércores 29 de marzo tendes unha cita cos RECREOS DE CONTO .

En Reibón sumámonos á campaña da Federación de comerciantes e industirais do Morrazo que encheron os seus comercios coa imaxe e fragmentos dos poemas de Rosalía de Castro. Grazas á súa colaboración no noso centro aportamos o noso gran para facer máis visible a poesía e a figura de Rosalía. Ademais desde a biblioteca, coa colaboración do Equipo de dinamización lingüística imos levar a cabo unha actividade de recitado de poemas que imos gravar e publicar.

Hai uns días que se cerrou a exposición de libros con tema africano. Como todos os anos, buscamos os libros máis atractivos para que os nenos e nenas teñan onde realizar as súas pesquisas, coñecer a terra e as xentes dos países que se traballan. Ademais diso, estamos traballando nun caderno de viaxe imaxinario no que cada nivel ten asignado un grupo étnico sobre o que vai investigar. Así, descubrirán como viven, como visten, cales son os seus usos e costumes e moitas outras cousas.