Reibonteca

15.5.13

DÍA DAS LETRAS GALEGAS

Aínda que o Día das Letras Galegas deste ano está adicado ao dramaturgo e actor Roberto Vidal Bolaño, en Reibón imos lembrar a poesía de dous autores dos que celebramos recentemente o centenario do seu nacemento e os 150 anos da publicación do seu libro "Cantares gallegos". Si, falamos de Celso Emilio Ferreiro e Rosalía de Castro, respectivamente.

Mañá xoves celebraremos un recital de poesía destes autores a cargo do alumnado de 2º, 4º e 6º de primaria. Ademais diso, darnse a coñecer os poemas gañadores do Concurso de poesía que convocou o equipo da reibonteca para celebrar o día das nosas letras.

9.5.13

SÁBADO, MERCADO EXTRORDINARIO PRO-EXCURSIÓN

SÁBADO, día 11 de maio

A PARTIR DAS 10.30

GRAN MERCADO DE OPORTUNIDADES

Atoparás desde libros a bolsos, pasando por xoguetes, puzles, bicicletas, lámpadas, películas, bonecos, fundas para coches bebé...

Tamén poderás tomar un café con bolería artesanal.

SE BUSCAS GANGAS, NON PERDAS O MERCADO NO COLEXIO DE REIBÓN

3.5.13

Todas as cidades na biblioiteca

Durante 15 días estivo na biblioteca unha exposición sobre libros de cidades organizado polo equipo de biblioteca. Seleccionáronse todos os libros que falaban sobre a orixe das cidades, a evolución, cidades con valor histórico...) e sobre todo, os que falaban sobre as cidades que forman parte do proxecto global do curso 2012-13.

Puidemos comprobar a pequena cantidade de libros que falan sobre algunhas cidades e a enorme que o fan doutras. Que hai cidades con moita historia e cidades moi novas, cidades fotoxénicas e outras que non o son tanto...
En resumo, que a vida actual está centrada nas cidades.

24.4.13

Viaxando co pasaporte lector

Ler é unha viaxe polas historias e todas as viaxes requiren que os viaxeiros leven a súa documentación para cruzar as fronteiras.

O alumnado de Reibón ten desde este curso o seu pasaporte, un pasaporte para a lectura que lles abrirá as fronteiras dos planetas Fantasía, Aventura e Misterio.

Esta semana recibiron o seu pasaporte lector os alumnos de infantil de 5 anos e 1º de primaria. Agora comezarán a súa viaxe. O primeiro planeta polo que van viaxar é Fantasía. Para percorrelo e ir ao seguinte planeta deberemos ler unha feixe de libros que están no pasaporte. Vendo a portada poderemos identificalos facilmente e ir cara adiante.

Os libros que están no pasaporte lector están identificados cun adhesivo coma este da imaxe e os libros ocupan un andel especial sinalado coa mesma pegatina.

Hai uns días os alumnos que comezan o programa recibiron os seus pasaportes. Aquí podemos velos tras a entrega posando na biblioteca.

3.4.13

O día 2 de abril, foron algúns onde tiñan que ir.

Xa sabedes que hai unha vella tradición que di que:

O día primeiro de abril

van os burros

onde non deben ir.

Pero ese día non había clase e non puidemos poñer o mundo do revés. Así que celebramos o día 2 de abril, Día internacional do libro infantil, cunha sesión de contacontos e aí si que fixemos todos ao contrario. O libro escollido foi "Inés del revés". As contadoras foron Susana e Yésica.

Unha historia para ver

Unha das mellores películas de animación de todos os tempos, Ourizo na néboa. Rodada no ano 1.975 por animadores da desaparecida Unión Soviética, foi considerada no ano 2009 en Tokio a mellor película de animación de todos os tempos.

Para que a vexades tod@s.

2.4.13

Admisión curso 2013/14

De 5 a 17 de abril

Rufina ( mascota da biblioteca )

Outras datas importantes :

Presentación documentación xustificativa de 22 abril a 3 de maio

Publicación listaxes provisionais ata………………………….. 10 de maio

Publicación listaxes definitivas, antes do………………….. 31 de maio

Formalización matrícula de ………………………………….20 a 30 de xuño

VACANTES :

E. Infantil 3 anos 44 + 6

E. Infantil 4 anos 0

E.Infantil 5 anos 5

E. Primaria 1º curso 9 + 9

E. Primaria 2º curso 10

E.Primaria 3º curso 5

E.Primaria 4º curso 16

E. Primaria 5º curso 22

E. Primaria 6º curso 11

HORARIOS

w Xornada lectiva, de 9:15 h. a 14:15 h.

w Servicio de comedor, de 14:15 h. a 15:15 h.

CENTROS ADSCRITOS :

EEI Verducedo IES As Barxas

ÁREAS DE INFLUENCIA DO CEIP. REIBÓN :

- Reibón ( Meira ) - O Redondo

- Couso - O Rosal

- A Torre - Ramón Cabanillas abaixo

- A Fraga -Verducedo

- Concepción Arenal ata o Camiño do Xaldeiro

INFORMACIÓN SOBRE ADMISIÓN DE ALUMNADO :

A solicitude de posto escolar será única e de carácter

vinculante.

O alumnado que ten garantía de permanencia ou reserva nun centro, deberá informar se quere cambiar a outro.
Sinatura da solicitude :

- Pai, nai, titor legal.

- No caso de divorcio, os dous proxenitores. En caso de custodia única, quen teña a patria potestade.

A demanda de solicitude farase contando ben o domicilio, ben o lugar de traballo.
Poderase solicitar ata 6 centros por orde de preferencia.
Pódese pedir copia ou sustificante de ter presentado a solicitude.

Decreto de admisión