REIBONTECA

Podedes consultar as novidades da Reibonteca nesta publicación. Se queredes, tamén podedes descargala.

Open publication - Free publishing

Desde a Asesoría de Bibliotecas Escolares estase impulsando a inclusividade nas bibliotecas escolares e desde a Reibonteca tamén apoiamos esa iniciativa buscando libros que propicien a igualdade e a integración de todo tipo de persoas.
Proximamente publicaremos un catálogo coa primeira parte das adquisicións. Libros sobre hiperactividade, síndrome me Asperger, de Down ou igualdade de xénero tanto para nenos e nenas como para adultos.

Desde o día 1 de outubro a REIBONTECA está á vosa disposición os LUNS  e MÉRCORES de 9,15 a 10 horas para que poidades retirar libros.

Dentro do plan de bibliotecas, a Xunta de Galicia destinou unha partida para bibliotecas inclusivas. A Reibonteca adicou un presuposto de 1600 € transferidos desde a Consellería de Educación e outra parte do presuposto do colexio que destinamos a facer mobiliario máis accesible para o alumnado con limitación de mobilidade e unha partida importante de libros tanto informativos como adaptados para nenos e nenas con déficit visual, autismo, etc. Outra parte foi destinada a libros que fomentan a igualdade entre xéneros e o respecto pola diferenza. Dentro deste hai unha parte importante destinada á información para familias, profesorado e alumnado.

Por este ano o proxecto de Familias Lectoras que levamos a cabo entre o Equipo de Biblioteca e as familias  chegou ao seu fin. Estamos satisfeitos de ter podido cumprir o noso obxectivo o mellor que puidemos e agradecemos moi sinceramente as valoracións que nos fixestes chegar as familias que enviastes a enquisa. Sabedes que temos en conta as vosas opinións e suxestións, aínda que tamén temos limitacións laborais e vitais.

Trataremos de manter os libros mellor organizados, algo para o que esperamos contar colaboración do profesorado e do alumnado. Sen a súa colaboración iso será imposible. Sabemos que un certo desorde sempre vai haber porque os nenos son nenos, pero dentro dunha orde.
Satisfeitos de ver a bibloteca ateigada para escoitar os contos de Bea Campos e Manuel Pombal. Os nenos e nenas pasárono realmente ben.
Esperamos que o ano sexades máis as familias que vos animedes a participar.  Bo verán!! Ata o curso que vén.

O Mes dos libros chegou cunha novidade ao noso centro, o CERTAME DE LECTURA EN VOZ ALTA. Aquí podedes ver algunhas das cousas que fixeron e as súas opinións. Queda outra parte que publicaremos dentro duns días coa montaxe do acto dos máis pequenos.

Entre os meses de abril e maio celebramos na biblioteca do CEIP Reibón o mes dos libros no que conmemoramos o Día Internacional do libro e o Día das Letras Galegas. Aínda que o tempo non nos permitiu facelo ata o día 28 de abril, comezamos cunha Liberación de libros. Cada neno ou nena trouxo da súa casa un libro que para eles xa non tiña uso e deixárono no patio do centro. Antes do recreo, todos os que aportaron o seu libro baixaron para coller outro dos que estaban expostos sobre o chan do campo de fútbol.
Os día 15 e 16 de maio celebraremos a fase final do Certame de lectura en voz alta e aprtir do 27 de maio teremos a exposición "Como se fai un libro".