REIBONTECA

Este mes estamos a rebordar cos nosos contadores e contadoras. Cada día que pasa, son máis os que queren contarnos a súa historia no recreo. Encántanos que tantos nenos e nenas disfruten transmitíndolles aos demais os libros que lles gustan.  Esta última semana tocoulle o turno a Iria, de 2º, que nos contou "Non é fácil, pequeno esquío". concentrouse na lectura e con tono e decisión foi contándonos a tristeza que sentía o pequeno esquío pola morte da súa nai. Despois, ía mostrando os debuxos. Uns días despois, Romina e Lucía contáronos a marabillosa historia do medio elefante. Unha curiosa aventura dun elefante que de pronto se ve privado da metade do seu corpo, así que vai percorrendo o mundo na busca do que lle falta. Este libro, que pronto estará a disposición de todos os lectores da Reibonteca, ten unha ilustración feita con cachos de obxectos de refugallo. E Antía Táboas contounos a toda velocidade a "Aventura sorprendente dun homiño moi valente",

As dúas últimas sesións de contadores de contos estiveron ocupadas por Antía Torres e por un grupo de alumnas de quinto. Antía contounos con gran soltura unha historia tan real coma o mundo mesmo, a diferenza entre as cousas segundo se vexan e segundo desde onde un as vexa. Era o conto titulado "Os de arriba e os de abaixo". Sara del Río, Alba Feijóo, Miriam Páramos e Raquel Paredes contaron a vixeira aventura das Once damas atrevidas. Ademais fixeron unha pequena representación cuns debuxos das damas realizados por elas para a ocasión. Avisamos que esta última van repetila para os alumnos de infantil proximamente.

Que contarás as ovellas para durmir? Iso foi o que nos contou Sabela o outro día na biblioteca. Cun feixe de alumnos, pequenos e maiores escoitándoa, foi dicíndonos como resolven os seus problemas de insomnio as ovellas. E se os demais contamos ovellas para durmir, o que elas contan é algo ben diferente. Divertímonos moito escoitándoa. Seguro que máis adiante se animará a contarnos máis historias.