REIBONTECA

Xa se enviou a convocatoria Familias Lectoras 2019-20. Podedes enviar cuberto o impreso de participación ata o día 30 de outubro. Ademais, desde o 1 de outubro a biblioteca está aberta os luns e os mércores para préstamo familiar. Se non podedes acudir entre s 9,15 e as 10, podedes solicitar que se vos envíen libros para lectura familiar a través dos vosos fillos e fillas.

Seguimos descubrindo novos artistas. Agora tócalle ao pintor Katsushita Hokusai . Practica a arte do gravado chamada Ukiyo-e (xilografía ou gravado en madeira). A mediados do século XIX as súas obras chegaron a París e influiría en movementos coma o impresionismo  (movemento no que había artistas coma Claude Monet e moitos outros que poderás descubrir aquí ).

O venres celebramos a festa de benvida aos novos viaxeiros e viaxeiras polos planetas da lectura. O novo alumnado de primaria e os que chegaron este curso ao centro recibiron o seu carné de biblioteca e o seu pasaporte lector. Aquí vos deixamos algunhas imaxes do que foi esta celebración e coa que iniciamos o curso na Reibonteca.

Desde a biblioteca queremos propoñervos que descubrades artistas. Cada semana imos propoñervos un para que descubrades a súa obra. Que vos parece se comezamos pola fotografía? Joan Fontcuberta , un fotógrafo que explora os límites entre a verdade e amentira.

  Podedes consultar as novidades da Reibonteca nesta publicación. Se queredes, tamén podedes descargala. Open publication - Free publishing

Desde a Asesoría de Bibliotecas Escolares estase impulsando a inclusividade nas bibliotecas escolares e desde a Reibonteca tamén apoiamos esa iniciativa buscando libros que propicien a igualdade e a integración de todo tipo de persoas. Proximamente publicaremos un catálogo coa primeira parte das adquisicións. Libros sobre hiperactividade, síndrome me Asperger, de Down ou igualdade de xénero tanto para nenos e nenas como para adultos.

Desde o día 1 de outubro a REIBONTECA está á vosa disposición os LUNS  e MÉRCORES de 9,15 a 10 horas para que poidades retirar libros.